“Akademik Həmid Araslının 110 illiyinin qeyd edilməsi haqqında” Azərbaycan Respublikası Prezidentinin 11 fevral 2019-cu il tarixli, 951 nömrəli Sərəncamının icrasını təmin etmək məqsədilə “Azərbaycan Respublikasının Təhsil Nazirliyi haqqında Əsasnamə”nin 13.5-ci bəndini rəhbər tutaraq

ƏMR EDİRƏM:

1. “Akademik Həmid Araslının 110 illiyinin qeyd edilməsi ilə bağlı Tədbirlər Planı” təsdiq edilsin (əlavə olunur).

2. Bakı Şəhəri üzrə Təhsil İdarəsi, Gəncə Şəhər Təhsil İdarəsi, rayon (şəhər) təhsil şöbələri (idarələri), ali, orta ixtisas təhsili müəssisələri, Təhsil Nazirliyinin tabeliyindəki ümumi təhsil müəssisələrinin rəhbərləri Tədbirlər Planının yerinə yetirilməsini təmin etsinlər və görülmüş işlər barədə 20 dekabr 2019-cu il tarixinədək Təhsil Nazirliyinin aparatına hesabat təqdim etsinlər. 

3. Nazirliyin aidiyyəti struktur bölmə rəhbərləri Tədbirlər Planında nəzərdə tutulan tədbirlərin iş planlarına daxil edilməsini, onların icrasına nəzarəti, təhsil müəssisələrinə təşkilati köməklik göstərilməsini və daxil olmuş hesabatların ümumiləşdirilib rəhbərliyə təqdim olunmasını təmin etsinlər.

4. İnformasiya şöbəsi (Elnur Məmmədov) əmrin əlavəsi ilə birlikdə çoxaldılıb aidiyyəti struktur bölmələrə, yerli təhsili idarəetmə orqanlarına, ali, orta ixtisas təhsili müəssisələrinə çatdırılmasını, Nazirliyin internet səhifəsində yerləşdirilməsini, “Azərbaycan müəllimi” qəzetində dərc olunmasını və keçiriləcək tədbirlərin KİV-lərdə işıqlandırılmasını təmin etsin.

5.Əmrin icrasına nəzarəti öz üzərimdə saxlayıram.

Əsas: “Akademik Həmid Araslının 110 illiyinin qeyd edilməsi  haqqında”  Azərbaycan Respublikası Prezidentinin 11 fevral 2019-cu il tarixli, 951 nömrəli Sərəncamı, Azərbaycan Milli Elmlər Akademiyasının Rəyasət Heyətinin 06 mart 2019-cu il tarixli,7/4 nömrəli Qərarı ilə təsdiq edilmiş Akademik Həmid Araslının 110 illiyinin qeyd edilməsi  haqqında Tədbirlər Planı.

Ceyhun BAYRAMOV,

Azərbaycan Respublikasının təhsil naziri

5 aprel 2019-cu il

F-160