Ellada Mirzəyeva Sabirabad rayon 5 nömrəli tam orta məktəbin ingilis dili müəllimidir. O 2000-ci ildə Azərbaycan Dillər Universitetinin Dilşünaslıq fakültəsinin ingilis dili müəllimliyi ixtisası üzrə təhsilini başa vurduqdan sonra pedaqoji fəaliyyətə başlayıb.

              Şagirdlərinin sevimlisi olan Ellada müəllim onlara qarşı hər zaman diqqətli olduğunu deyir. "Şagirdlərim mənim yetişdirdiyim fidanlardır. Bilirəm ki, onlara qarşı hər zaman diqqətli olmalıyam. Çünki, hər şagird fərqli xüsusiyyətlərdə olduğu kimi, öyrənmə tərzi,  qavrama üsulu da fərqlidir. Bunun üçün də hər şagirdə  qavraya biləcəyi formada izah etməli, uyğun şəkildə davranmalısan."

O, yaradıcılıq fəaliyyəti ilə də məşğuldur və müasir dil təliminin elmi aspektlərinə dair bir çox esselerin müəllifidir: “İntegrating cross-cultural communication competence into the second language classroom”, “Ömür boyu təhsil hamı üçün vacibdir”, “The importance of vocabulary acquistion in the second language proficiency”, “İnteqrativ təlim” esseləri Ellada müəllimə məxsusdur.

Təhsil sahəsindəki uğurları hər zaman yüksək qiymətləndirilən Ellada müəllim  mükafat,  fəxri fərman, diplom və təşəkkürnamələrə layiq görülüb. 2014-2015-ci illərdə keçirilmiş “Ən yaxşı müəllim” müsabiqəsinin qalibi olub. Ailə, Qadın və Uşaq Problemləri üzrə Dövlət Komitəsində iştirakına görə diplomla, “Azərbaycan müəllimi” qəzitndə  “Ən yaxşı yazı” müsabiqəsində iştirakına görə  Təşəkkürnamə , Sabirabad rayonunun ictimai həyatında fəal iştirakına görə fəxri fərmanla təltif olunub.

Ellada müəllim öz  şərəfli peşəsi ilə fəxr edir. Gələcəkdə daha böyük uğurlara nail olmağı düşünür.