IV İslam Həmrəyliyi Oyunlarının məktəblilər arasında təbliğinə həsr olunmuş kütləvi idman tədbirlərinin zona yarışlarına start verilib. Şirvan şəhər Olimpiya Kompleksində basketbol idman növü üzrə keçirilən yarışda 13 rayonun komandası iştirak edib.

Sabirabad rayonunu 1 nömrəli məktəbin şagirdləri Tapdıq Mikayılov, Emin Zeynalov, Elmir İbrahimli, Əlisahib Hüseynzadə və məktəbin idman müəllimi Teymir Soltanov təmsil edib. 8 rayon komandasına qalib gələn komandamız sonda Hacıqabul rayon komandasına məğlub olaraq zona yarışını 3-cü pillədə başa vurub. Komanda hesabında I, II, III yerləri tutanlar diplom və medallarla, hədiyyələrlə təltif olunublar.

Azərbaycan Respublikası təhsil nazirinin müvafiq əmrinə əsasən keçirilən yarışların təşkil edilməsində məqsəd IV İslam Həmrəyliyi Oyunlarının Proqramına daxil olan idman növlərini məktəblilər arasında təbliğ etmək, onların idmana marağını artırmaq, məktəbliləri sağlam həyat tərzinə cəlb etməkdən ibarətdir.