Sabirabad şəhər 5 nömrəli tam orta məktəbdə Fövqəladə halların və nəticələrinin aradan qaldırılması istiqamətində "Fövqəladə hallarla bağlı davranış qaydaları" mövzusunda tədbir keçirilib. Tədbirdə məktəbin şagird və müəllimləri, Muğan Regional Mərkəzin Ərazi oqanları ilə iş şöbəsinin baş zabiti, d/x baş leytenantı Taleh Balaşov, Müki Müdafiə işinin təşkili şöbəsinin zabiti leytenant Orxan Hüseynli və Muğan Regional Dövlət Yanğın Nəzarəti İdarəsinin inspektoru d/x mayoru Nemət Qafarov iştirak edib.

Məktəbin direktoru Könül Ağayeva tədbiri açıq elan edib və gələn qonaqları təqdim edib. Kapitan İdris Rzayev Fövqəladə Hallar Nazirliyinin Yaranması, fəaliyyəti, təsnifatı, "112" çevik reaksiyavermə idarəsi", "Fövqəladə hal nədir, sel, daşqın, dəm qazı" və "Təbii fəalkət olan zəlzələ zamanı nə etməli" mövzularında geniş məlumat verib. Sonra baş leytenant Taleh Balaşov "Yanğın təhlükəsizliyi, qarşıda duran vəziflər və həlli yolları", yanğınların səbəbləri, məişətdə yanğınları səbəbləri və meşə yanğınları, çimərliklərdə təhlükəsizlik qaydaları haqqında ətraflı məlumat verib. Daha sonra leytenant Orxan Hüseynli od söndürən balonlar haqqında məlumat verib.

Sonda müəllim və şagirdləri maraqlandıran suallar cavablandırılıb və zəlzələ, dəm qaz ilə bağlı video çarx nümayiş olunub.