Sabirabad Rayon Təhsil Şöbəsi buraxılış imtahanlarına hazırlıq məqsədi ilə rayon ümumtəhsil məktəblərinin IX sinif şagirdləri üçün sınaq imtahanı təşkil edib.

Ucqar kəndlərin şəhər mərkəzindən 70 km və daha uzaq məsafədə olması nəzərə alınaraq, imtahan 7 mərkəzdə - Sabirabad şəhər 2, 5, 6 nömrəli tam orta, Qarağac, Moranlı, Çiçəkli və Şıxsalahlı kənd tam orta məktəblərdə keçirilib. Ümumilikdə sınaq imtahanında 1399 şagird iştirak edib.

Sınaq imtahanının əvvəlində təhsil şöbəsinin əməkdaşları nəzarətçi və şagirdlərə imtahanın qaydaları haqqında ümumi məlumat veriblər. Sonra Təhsil Nazirliyinin müvafiq göstərişinə əsasən orta təhsil (9 illik) səviyyəsində aparılacaq buraxılış imtahanlarında bu il edilən dəyişikliklərlə bağlı nümunəyə uyğun formada tərtib edilmiş suallar şagirdlərə təqdim olunub, şagirdlərin imtahan qaydaları ilə bağlı sualları cavablandırılıb.