Aprelin 28-də Sabirabad Rayon Təhsil Şöbəsində Təhsil Şurasının növbəti iclası keçirilib. İclasda Təhsil Şurasının üzvləri, RTŞ əməkdaşları, rayon ümumtəhsil məktəblərinin rəhbərləri və müavinləri  iştirak ediblər.

İclası giriş sözü ilə təhsil şöbəsinin müdiri Pəhlivan Qarayev açıq elan edərək, şura iclasının gündəliyində müzakirə olunacaq məsələlər haqqında qısa məlumat verib.

Əvvəlcə gündəliyində əsasən fərdi dərsin təşkili ilə əlaqədar monitorinq müzakirə olunub. Aparıcı məsləhətçi Əlisahib Ağayev iclas iştirakçılarını monitorinqin nəticələri ilə tanış edib. Sonra Şura üzvləri çıxış edərək, arayışa öz münasibətlərini bildiriblər.

Metodkabinet müdiri Cavad Cəlilov rayon məktəblilərinin müsabiqə və yarışlarda qazandığı uğurlar haqqında məlumat verib. Metodist Azadə Əsgərova məktəbəqədər hazırlıq qruplarında işin təşkili ilə bağlı məsələləri qeyd edib.

Sonda direktorları maraqlandıran suallara cavab verilib.