Bakı Dövlət Universitetində Ailə, Qadın Və Uşaq Problemləri üzrə Dövlət Komitəsinin təşkilatçılığı ilə "Qələbəyə Doğru" kuboku uğrunda ümumrespublika intellektual oyununun final mərhələsi keçirilib. Yarışda Zonalar üzrə birinci yeri tutan komandalar iştirak edib.

Aran zonasının qalibi olmuş Sabirabad rayon komandası final mərhələsində də özünü doğruldaraq respublika üzrə III yerə çıxıb.

Daha sonra "Qələbəyə Doğru" kuboku uğrunda ümumrespublika intellektual oyununun qaliblərinin mükafatlandırılması və bağlanış mərasimi keçirilib.

Qeyd edək ki, ötən müddət ərzində Forumlarda iştirak edən uşaqlar tərəfindən səsləndirilən bütün təkliflər hökumət tərəfindən hazırlanan müxtəlif proqramlarda öz əksini tapıb. Forum həm də əsas verir ki,  hər bir uşaq onu düşündürən, narahat edən məsələləri dilə gətirsin, problemlərin birgə həlli yollarını araşdırsın. Məhz bu forumlar uşaqların öz bacarıqlarını nümayiş etdirmək üçün bir vasitəyə çevrilib. Həmçinin, forum uşaqların ictimai fəallığının artırılmasında, iştirak hüququnun təmin edilməsində və liderlik keyfiyyətlərinin formalaşmasında mühüm əhəmiyyətə malikdir.