Sabirabad şəhər 5 nömrəli tam orta məktəbdə Azərbaycan Xalq Cümhuriyyətinin yaranmasının 99-cü ildönümü münasibətilə “Səni tərənnüm edirəm, Azərbaycan” mövzusunda ədəbi-musiqili tədbir keçirilib. Tədbirdə təhsil şöbəsinin nümayəndələri, valideynlər, müəllim və şagirdlər iştirak ediblər.Tədbir dövlət himninin ifası ilə başlayıb.

Təhsil şöbəsinin metodisti Əmirhüseyn Əsgərov çıxış edərək bildirib ki, 1918-ci il mayın 28-də yaradılmış Azərbaycan Xalq Cümhuriyyətinin müsəlman Şərqində ilk dünyəvi dövlət olduğunu vurğulayıb. Qeyd edib ki, cəmi 23 ay yaşamış Azərbaycan Xalq Cümhuriyyəti öz müstəqilliyini qoruyub saxlaya bilməyib. Lakin ümummilli liderimiz Heydər Əliyevin siyasi uzaqgörənliyi sayəsində XX əsrin sonlarında Azərbaycan yenidən müstəqilliyinə qovuşmuş, dünyanın inkişaf etmiş dövlətlərindən birinə çevrilib.

Sonra şagirdlərin ifasında Vətəni tərənnüm edən mahnılar, şeirlər səslənib və kiçik səhnəciklər göstərilib.