Sabirabad şəhər 4 və 7 nömrəli tam orta məktəblərdə Mədəniyyət və Turizm Nazirliyinin Sabirabad Regional İdarəsinin və məktəb rəhbərliklərinin təşkilatçılığı ilə “Qisas qiyamətə qalmaz” adlı  tədbir keçirilib. Tədbirdə şəhidlərin xatirəsi bir dəqiqəlik sükutla yad edilib.

Tədbirin keçirilməsində əsas məqsəd şagirdlər arasında vətənpərvərlik ideyalarını təbliğ etmək, onları işğal altındakı torpaqlarımızın azad olunması uğrunda mübarizəyə mənəvi cəhətdən hazırlamaq, Vətənimizin azadlığının və təhlükəsizliyinin hər bir gəncin ölkəsinə bağlılığından, xalqına sevgisindən asılı olduğu düşüncəsini aşılamaqdır.

Keçirilən tədbirdə döyüşlərdə iştirak etmiş Qarabağ əlilləri müharibə xatirələrini şagirdlərlə bölüşüblər. Həmçinin tədbirdə Qarabağ əlillərindən ibarət "Mübarizlər" qrupunun ifasında “Qisas qiyamətə qalmaz” ədəbi-bədii kompozisiya göstərilib.

Tədbir şagirdlər tərəfindən böyük maraqla qarşılanıb.