2017-2018-ci tədris ilində Sabirabad rayon ümumtəhsil məktəblərində 1506 sinif komplekti olmaqla 27308 şagird təhsil alacaq.  Birinci sinfə gedən şagirdlərin sayı isə 2625 nəfərdir. 133 hazırlıq qrupunda isə 2522 şagird təhsil alacaq. 11 tam orta məktəbdə təmayül siniflər açılıb. Digər tam orta məktəblərdə isə adi 10-cu siniflər açılıb. 2 adi sinif rus bölməsi üzrədir.

Sentyabr ayı ərzində artıq 200 yeni müəllim təhsil şöbəsində qeydiyyatdan keçib.

Cari tədris ilində müəllimlər arasında dərs bölgüsü diaqnostik qiymətləndirmənin nəticələrinə uyğun aparılıb.

2017-2018-ci dərs ili “Ümumi təhsildə keyfiyyət ili” elan edilib,  ilk dərs məşğələsi “Cocuq Mərcanlı-tarixi qayıdışın başlanğıcı” mövzusuna həsr olunub. 

2016-2017-ci illər ərzində rayonda 2 yeni məktəb tikilib ki, onlardan biri modul tipli məktəbdir. 2 məktəb isə əsaslı təmir olunub.