Qaragüney kənd 1 nömrəli tam orta məktəbdə Qarakənd faciəsinin 26-cı ildönümü ilə əlaqədar tədbir keçirilib.

Direktor müavini Könül Məlikova çıxışı zamanı şagirdləri tarix boyu türk xalqlarına qarşı törədilən terror aktlarından danışıb, ermənilərin bütün dünya dövlətlərinin gözü qarşısında işğalçılıq siyasəti yürütdüyünü deyib. müasir texnologiya əsrində gənclərin informasiya müharibəsi aparmaq imkanlarının geniş olduğunu vurğulayıb, öz tarixini unutmamağa, onu təbliğ etməyə səsləyib.

Məktəbin tarix müəllimi 1991-ci il noyabrın 20-də baş verən Qarakənd faciəsi barədə ətraflı məlumat verib. Qeyd edib ki, ermənilərin azərbaycanlılara qarşı törətdikləri qanlı cinayətlər təkcə 20 Yanvar, Xocalı soyqırımı, Sumqayıt hadisələri ilə məhdudlaşmır.

Sonra “Erməni təcavüzkarlığı”, “Aprel döyüşləri”, “Erməni soyqırımı” və “Xocalı soyqırımı” mövzularında şagirdlərin fikirləri dinlənilib, Qarakənd faciəsi ilə bağlı videogörüntülər nümayiş olunub.