Noyabrın 24-də Sabirabad şəhər 4 nömrəli tam orta məktəbdə “Tədris prosesində Promethean interaktiv texnologiyalardan istifadə” təliminin yekun qiymətləndirilməsi keçirilib. Təlimdə şəhər 4 və 6 nömrəli tam orta məktəblərin 23 müəllimi iştirak ediblər. İmtahanda iştirakçılar 45 dəqiqə ərzində 30 test sualını cavablandırıblar.

Təlimdə iştirak edən müəllimlər Promethean interaktiv lövhənin tətbiqi metodikası haqqında öyrənərək tədris materiallarının və dərslərin keçirilməsi üçün Promethean lövhədən praktik istifadə etmə bacarıqları əldə edəcək. Promethean interaktiv lövhənin Activİnspire proqram təminatından tam səviyyəli istifadəçi kimi istifadə edə biləcək. Həmçinin, təlim iştirakçılarına “Təhsildə İnnovativ Texnologiyalar” əlavə təhsil mərkəzi tərəfindən sertifikat təqdim ediləcək.

Qeyd edək ki, təlim 4 nömrəli məktəbin direktoru Mahir Zahidov və məktəbin pedaqoji kollektivinin müraciəti əsasında Təhsil İşçilərinin Peşəkar İnkişafı İnstitutu və Təhsildə İnnovativ Texnologiyalar Əlavə Təhsil Mərkəzinin birgə təşkilatçılığı ilə keçirilib.