Noyabrın 25-də rayonun ümumi təhsil məktəblərinin  IX sinif şagirdləri üçün mərkəzləşdirilmiş qaydada test üsulu ilə sınaq imtahanı keçirilib.

Sınaq imtahanı şagirdlərin buraxılış imtahanının ikinci mərhələsinə hazırlıq məqsədilə keçirilib.

7 mərkəzdə - şəhər 1, 5, 6 nömrəli tam orta və Ulacalı,Kovlar, Qarağac, Moranlı kənd tam orta məktəblərdə keçirilən sınaq imtahanında rayonun ümumi təhsil məktəblərinin 1891 nəfər şagirdi iştirak edib.

Şagirdlər Azərbaycan dili və riyaziyyat fənlərindən 60 test tapşırığını cavablandırıblar.

Sınaq imtahanı şagirdlərin bilik, bacarıq və vərdişlərinin daha da artmasında böyük təcrübə olacaq.