Saatlı və Sabirabad rayonlarının seçilmiş ümumtəhsil məktəblərinin müəllimləri arasında pedaqoji əməkdaşlıq çərçivəsində təşkil olunan tədbirlər davam etdirilir.

Belə ki, Sabirabad rayon Ulacalı kənd tam orta məktəbin rəhbərliyi və müəllimlər Saatlı şəhər 2 nömrəli tam orta məktəbdə təcrübə mübadiləsində iştirak ediblər. Görüş zamanı ümumtəhsillə bağlı aktual məsələlər, yeniliklər və problemlər müzakirə olunub. Həmçinin, qabaqcıl müəllimlərin nümunəvi dərsləri təşkil olunub.

Məqsəd qabaqcıl pedaqoji təcrübə nümunələrinin öyrənilməsi, müəllim və məktəb rəhbərlərinin nümunəvi iş üsulları və metodları ilə tanışlıq və qarşılıqlı pedaqoji dəstək tədbirlərinin həyata keçirilməsidir.