Respublikanın bütün ümumtəhsil məktəblərində olduğu kimi Sabirabad rayon məktəblərində də Novruz bayramı münasibətlilə tədbirlər keçirilir.

Sabirabad şəhər 4 nömrəli tam orta məktəbdə də Novruz bayramı münasibəti ilə şənlik keçirilib.

Məktəbin həyətində keçirilən tədbirdə müəllimlər şagirdlər və valideynlər iştirak ediblər. Şənlik Novruz personajları Bahar qızı, Kosa və Keçəlin gəlişi ilə başlayıb. məktəbinin həyətində Novruz tonqalı yandırılıb, milli geyimdə olan uşaqlar tonqal ətrafında yallı gediblər.

Tədbirdə şagirdlərin ifasında Novruz bayramının çərşənbələrini, adət- ənənələrini əks etdirən səhnəciklər nümayiş olunub, milli rəqslərimiz təqdim edilib. Uşaqlar Kosa və Keçəl ilə birgə rəqs edib, mahnı oxuyublar.