Sabirabad şəhər Mikayıl Müşfiq adına 4 saylı tam orta məktəbdə Təhsil Nazirliyinin 23 fevral 2018-ci il tarixli F-151 nömrəli əmrinə əsasən 31 Mart - Azərbaycanlıların Soyqırımı Gününə həsr olunmuş anma mərasimi keçirilib.

Tədbirdə iştirakçılar məktəbin foyesində soyqırıma aid rəsm sərgiləri, stend və guşələrə baxıblar.

Məktəbin tarix müəllimi Solmaz Zeynalova xalqımızın qəniminə çevrilmiş ermənilərin 1918-ci ilin martında Bakıda və Azərbaycanın digər regionlarında törətdikləri amansız qətliamdan danışmışdır. O. bildirmişdir ki, mənfur ermənilər bu ərazilərdə on minlərlə dinc azərbaycanlını yalnız milli mənsubiyyətlərinə görə vəhşicəsinə qətlə yetirmiş, yaşayış yerlərini talan edərək yandırıb viran qoymuş, xalqımızın milli mədəniyyət abidələrini, məscidləri dağıtmış və yandırmışlar.

Tədbirdə çıxış edənlər ümummilli lider Heydər Əliyevin “Azərbaycanlıların soyqırımı haqqında” 1998-ci il 26 mart tarixli Fərmanının əhəmiyyətindən, həmçinin bu gün ölkəmizin hərtərəfli inkişafı üçün aparılan siyasətin uğurlu nəticələrindən danişblar.

Sonda şagirdlər 31 Mart hadisələrinə həsr edilən şeirlər, bayatılar, mahnılar söyləyib, ədəbi-bədii kompozisiyalar göstəriblər.