Sabirabad rayon Təhsil Şöbəsində “Təhsildə keyfiyyət ili” çərçivəsində təşkil edilən pedaqoji mühazirələrin rayon mərhələsi keçirilib.

Pedaqoji mühazirələrin keçirilməsində əsas məqsəd ümumi təhsilin keyfiyyət göstəricilərinin yaxşılaşdırılması ilə bağlı aktual məsələlərə diqqəti artırmaq, təhsil işçilərinin bu barədə rəy və mülahizələrini öyrənmək, yaradıcı müəllim və məktəb rəhbərlərini aşkara çıxarmaq, qabaqcıl təcrübə nümunələrini təbliğ etmək və perspektiv üçün inkişafyönlü təkliflər hazırlamaqdan ibarətdir.

Pedaqoji mühazirələrin rayon mərhələsi üzrə təşkilat komitəsinə təqdim edilən məruzələr mövzunun uyğunluğu və aktuallığı, təcrübi əhəmiyyəti, orijinallığı baxımından qiymətləndirilib.

Rayon mərhələsində ən yaxşı, innovativ xarakterə, səmərəli təcrübəyə əsaslanan 2 məruzə müəyyənləşdirilib. Nəticələrə əsasən Mürsəlli kənd tam orta məktəbin biologiya müəllimi - Esmira Qədimova və Əhmədabad kənd tam orta məktəbin direktoru - Nəsibə Bağırovanın mühazirələri ölkə üzrə təşkilat komitəsinə təqdim ediləcək.

Ölkə mərhələsinin qalibləri müvafiq qaydada mükafatlandırılacaqlar.