05.04.2018

Şagirdlər Bayraq Muzeyinə ekskursiya ediblər

Sabirabad şəhər 6 nömrəli tam orta məktəbin müəllim və şagirdləri Bayraq Muzeyinə ekskursiya ediblər.

Ekskursiya iştirakçıları binası ilə tanış olublar. Şagirdlər Bayraq Muzeyində Azərbaycanın xanlıqlar dövrünün xəritəsi və bayraqları, orta əsrlərə aid döyüşçülərin geyimləri, XIX əsr Azərbaycan şəhərlərinin gerbləri, qədim metal sikkələr, kağız pullar, Azərbaycanın Xalq Cümhuriyyətinə dair sənədlər, SSRİ və müstəqillik dövrünün konstitusiyaları, gerbləri, bayraqları, poçt markaları, orden və medallar ilə tanış olublar.

Ekskursiyanın təşkil olunmasında əsas məqsəd şagirdlərin milli mənəvi dəyərlər və ənənələr, tarixi keçmişinə bağlı ruhda böyüməsi, ölkəmiz haqqında bilik və məlumatlarının artırılmasıdır.