Aprel döyüşlərinin ikinci ildönümü ilə əlaqədar Qaragüney kənd 1 nömrəli tam orta məktəbdə tədbir keçirilib. Tədbirin keçirilməsində məqsəd Azərbaycanın hərb tarixinin zəfər səhifəsi olan Aprel döyüşlərinin ikinci ildönümünün qeyd edilməsi, yeniyetmə və gənclərdə vətənpərvərlik ruhunun artırılmasına töhfə verilməsidir.

Tədbirdə məktəbin pedaqoji və şagird kollektivi iştirak ediblər. Təşkilat işləri üzrə direktor müavini Aprel döyüşlərində Azərbaycan Milli Ordusunun qazandığı zəfərdən danışıb. Bildirib ki, ordumuz bu döyüşlərdə tarixi ərazilərimizin işğaldan azad edilməsi üçün hər cür fədakarlığa və hərbi qüdrətə qadir olduğunu sübut edib.

Sonra Aprel döyüşlərindən bəhs edən film nümayiş etdirilib. Sonda, şagirdlərin Aprel döyüşlərinə həsr etdikləri rəsmləri nümayiş olunub.