Sabirabad şəhər 8 nömrəli tam orta məktəbdə  Azərbaycan dili müəllimi Kəmalə Məhərrəmova IX b sinfində "Yaradıcılığı gülüş və musiqi ilə yoğrulmuş xanım" mövzusunda açıq dərs keçirilib.

Dərsdə fərdi və qrupla iş formasından və beyin həmləsi, auksion, debat iş üsullarından istifadə olunub.

Mövzuda qarşıya qoyulmuş məqsəd şagirdlərin mətni düzgün intonasiya ilə oxumaları , tərkib hissələri arasında əlaqəni gözləməklə mətni genişləndirmək, mətndə irəli sürülmüş fikirləri dəyərəndirmək mətnin hissələri, abzaslar və cümlələr arasında əlaqəni  gözləməklə özünün və başqasının yazısını təkmilləşdirmələridir.

İlk olaraq dərsdə xalq artisti mərhum aktrisa Nəsibə Zeynalovaya  aid şəkillər və rol aldığı tamaşalarından fraqmentlər nümayiş olunub. Fraqmentin nümayişindən sonra şagirdlər N. Zeynalovanın oynadığı rolların və tamaşaların adlarını sadalayıblar. Sonra isə N. Zeynaovanın söylədiyi fikirlər müzakirə olunub.

Sonra şagirdlərə Tədqiqat suallları təqdim olunub - "Nəsibə xanımın sənətkarığı özünü nədə büruzə verirdi?"

Şagirdlər tədqiqat sualı ətrafında fikirlərni iş vərəqələrinə yazıblar və sonda müzakirə aparılıb.

Təqdimatlardan sonra belə nəticəyə gəlinib ki, Nəsibə xanım düşündürən, mənalı gülüşün təmsilçisi, fədakar, təəssübkeş aktrisadır. Onun tamaşaları aktuallığını bu gün də qorumaqdadır.

Sonda “Düşünən və düşündürən aktrisa” adlı təqdimat hazırlamaq ev tapşırığı olaraqaq verilib.