Aprelin 15-də Mil-Muğan Regional Təhsil İdarəsinin tabeliyində fəaliyyət göstərən şagird sayı 151-500-dək və hazırda direktor vəzifəsi vakant olan ümumi təhsil müəssisələrinə direktorların işə qəbulu müsabiqəsinin test imtahanı mərhələsi keçiriləcək.

Qeyd edək ki, test imtahanı mərhələsi Sabirabad şəhəri M. Müşfiq adına 4 nömrəli tam orta məktəbdə (ünvan: Sabirabad şəhəri Heydər Həmidov küçəsi 113) təşkil olunacaq.

İmtahanın keçirilmə müddəti 80 dəqiqədir. Test imtahanında namizədlərə tənqidi oxu, riyazi və məntiqi düşünmə bacarıqlarının, əmək və təhsil qanunvericiliyi üzrə biliklərin yoxlanılması məqsədilə ümumilikdə 45 test tapşırığı təqdim ediləcək. Test imtahanının nəticələri təhlil edildikdən sonra keçid balı müəyyənləşdiriləcək.

İmtahan saat 11:00-da başlayacaq. İmtahanda iştirak edəcək namizədin imtahanın keçiriləcəyi binaya daxil olarkən şəxsiyyəti təsdiq edən sənədinin üzərində olmağı mütləqdir. Eyni zamanda namizədlər imtahan mərkəzinə imtahan müddəti başlamazdan 1 saat əvvəl yaxınlaşmalıdır.

Həmçinin direktorların işə qəbulu müsabiqəsinin test imtahanı mərhələsində iştirak hüququ qazanan namizədlərin əlaqə nömrələrinə bu barədə SMS bildiriş göndərilib.

Test imtahanı mərhələsində iştirak edəcək bütün namizədlərə uğurlar arzulayırıq!