İmişli şəhər 5 nömrəli məktəb-liseydə 8 noyabr - “Zəfər Gününə”nə həsr olunmuş voleybol idman növü üzrə İmişli rayonunun ümumtəhsil məktəblərinin  IX – XI sinif təhsil alan qızlardan ibarət komandalar arasında rayon turniri keçirilib.

Tədbir “Zəfər Günü”nü qeyd etmək, Voleybol idman növünün qızlar arasında təbliğ, perspektivli gəncləri aşkar edib gələcəkdə rayonun voleybol komandasının tərkibinə daxil etmək, gəncləri fiziki sağlamlığı qorumağa və inkişaf etdirməyə təşviq etmək məqsədi ilə təşkil olunub.

Gərgin mübarizə şəraitində keçən turnirin sonunda 1-ci yerə 5 nömrəli məktəb-liseyin komandası, 2-ci yerə 2 nömrəli tam orta məktəbin komandası, 3-cü yerə isə 7 nömrəli tam orta məktəbin komandası çıxıb. 2 və 3-cü yeri əldə etmiş komandalar diplomla, 1-ci yeri tutan komanda isə diplom və kubokla təltif edilib.