8 noyabr - “Zəfər Günü” münasibətilə Beyləqan rayonunun ümumtəhsil məktəblərinin Vətən müharibəsində iştirak etmiş təhsil işçiləri ilə görüş keçirilib.

Görüşdə Mil-Muğan Regional Təhsi idarəsinin müdiri Rəşad Musayev, Beyləqan rayon təhsil sektorunun müdiri Elvin Abbasov iştirak ediblər.

Görüş Azərbaycan Respublikasının ərazi bütövlüyü uğrunda canından keçən Vətən müharibəsi şəhidlərinin əziz xatirəsinin bir dəqiqəlik sükutla yad edilməsi ilə başlayıb.

Görüşün məqsədi müharibədə iştirak etmiş təhsil işçilərinə diqqət, təhsil işçilərinin Qələbənin əldə olunmasında rolunun vurğulanması, onlarla görüşün gənclərə stimul verməsi və vətənpərvərlik hisslərinin aşılanması olub.

Sonra Vətən müharibəsi iştirakçısı olan təhsil işçiləri ilə söhbət aparılıb.

Rəşad Musayev görüşdə çıxış edərək gənclərin vətənpərvər ruhda yetişməsində məktəblərin, müəllimlərin rolundan danışıb. Yaşanılan şanlı tarixin, qazanılan Zəfərin şagirdlərə ətraflı tədrisinin vacibliyindən, məktəblərdə müharibə iştirakçıları ilə mütəmadi görüşlərin təşkilinin əhəmiyyətindən danışıb.

Daha sonra təhsil işçiləri döyüş xatirələrini bölüşüb, onlara göstərilən diqqət üçün təşəkkürlərini bildiriblər.

Sonda Vətən müharibəsi iştirakçılarına Rəşad Musayev tərəfindən fəxri fərman təqdim olunub və ATİAHİ komitəsi tərəfindən "Qəhrəman Təhsil İşçiləri" kitabı hədiyyə edilib.