8 noyabr - “Zəfər Günü” münasibətilə Saatlı rayonunun ümumtəhsil məktəblərinin Vətən müharibəsində iştirak etmiş təhsil işçiləri ilə görüş keçirilib.

Görüşdə Saatlı rayon təhsil sektorunun müdiri Günay Soltanova cəbhədə öz şücaəti ilə seçilən müəllimlərin bundan sonra tədrisdə də fərqli və yeni dövrün çağırışlarına uyğun gənclər yetişdirəcəklərinə inandığını bildirib.

Qazanılan şanlı zəfərdən sonra ölkə qarşısında böyük hədəflər durduğunu bildirərək bu işdə müəllimlərin üzərinə böyük missiya düşdüyünü diqqətə çatdırıb.

Görüşdə Vətən müharibəsi iştirakçılarına ATİAHİ komitəsi tərəfindən "Qəhrəman Təhsil İşçiləri" kitabı hədiyyə edilib

İmişli rayonunun ümumtəhsil məktəblərinin Vətən müharibəsində iştirak etmiş təhsil işçiləri ilə 8 noyabr - “Zəfər Günü” münasibətilə görüş keçirilib.

Görüşdə İmişli rayon təhsil sektorunun müdiri Kərim Kərimov Vətən müharibəsində iştirak edən müəllimləri “Zəfər Günü” münasibətilə təbrik edib, onlara fəaliyyətlərində uğurlar arzulayıb. Azərbaycan müəlliminin qarşısında duran ən mühüm vəzifələrdən birinin gənc nəsli vətənpərvərlik ruhunda tərbiyə etmək olduğunu deyərək onların qalib ordunun təmsilçisi kimi şagirdlərinin təkcə müəllimi yox, həm də canlı qəhrəmanı olduqlarını bildirib.

Görüşdə Vətən müharibəsi iştirakçılarına fəxri fərmanlar təqdim edilib.