Sabirabad rayon təhsil müəssisələrində çalışan, Vətən müharibəsində iştirak etmiş müəllimlər və qazilərlə görüş keçirilib.

Görüşdə Mil-Muğan Regional Təhsil İdarəsinin müdir müavini Rabil Şahbazov, Sabirabad rayon təhsil sektorunun müdiri Pəhlivan Qarayev, ATİAHİ-nin Sabirabad rayon Komitəsinin sədri Seydhüseyn Hüseynov iştirak ediblər.

Görüşdə Rabil Şahbazov Vətən Müharibəsində qazanılan qələbədə gənclərin rolunu xüsusi vurğulayaraq, qəhrəmanlıq tariximizin yeni salnaməsini yazanlar arasında gənc müəllimlərin, həmçinin onların yetirmələrinin olmasının qürurverici olduğunu söyləyib.

Ordumuzun qətiyyəti sayəsində torpaqlarımızın işğaldan azad edilməsinin ölkəmizin həyatında yeni mərhələnin əsasının qoyduğunu qeyd edərək, Qarabağ tarixini şagirdlərinə öyrədən, vətənpərvərlik tərbiyəsi verən müəllimlərin Vətən müharibəsində şagirdləri ilə döyüşərək şanlı Zəfərin qazanılmasında iştirak etdikləri və vətənpərvərlik nümunəsi göstərdikləri tədbir iştirakçılarının diqqətinə çatdırıb.

Sonda müharibə iştirakçıları olmuş müəllimlər Vətən müharibəsində qazanılan qələbənin tarixi əhəmiyyətindən, cəbhə xatirələrindən danışıb, görüşün təşkilinə görə minnətdarlıqlarını bildiriblər.