STEAM layihəsinin tətbiqi Mil-Muğan Regional Təhsil İdarəsinin tabeliyində fəaliyyət göstərən ümumtəhsil müəssisələrində uğurla həyata keçirilir.

Mil-Muğan RTİ-nin tabeliyində fəaliyyət göstərən 250 ümumi təhsil müəssisəsindən STEAM Mərkəzinin yerləşdiyi Sabirabad şəhər 1 nömrəli tam orta məktəb də daxil olmaqla ümumilikdə 12 ümumi təhsil müəssisəsində STEAM layihəsi tətbiq olunur.

Həmin 12 ümumtəhsil müəssisəsində 395 sinif üzrə 8603 nəfər şagird təhsil alır. Layihə 395 sinifdən 120-də (V-IX siniflərdə) tətbiq olunur. Qeyd olunan siniflər üzrə layihədən 2728 nəfər şagird faydalanır.

Layihənin tətbiq edilməsində məqsəd şagirdlərdə XXI əsr bacarıqlarını-kreativlik, əməkdaşlığın inkişaf etdirilməsi, müxtəlif proqramlaşdırma dillərini tətbiq etməklə müasir İKT avadanlıqlarından istifadə edə bilmə qabiliyyətlərini yüksəltməkdir.