Mil-Muğan Regional Təhsil İdarəsinin tabeliyindəki dövlət ümumi təhsil müəssisələrində fəaliyyət göstərən icma əsaslı məktəbəqədər hazırlıq qruplarında tədris davam edir.

Mil-Muğan RTİ-nin tabeliyində olan 250 ümumi təhsil müəssisəsindən 51-də icma əsaslı məktəbəqədər hazırlıq qrupları fəaliyyət göstərir. 51 ümumi təhsil müəssisəsində 898 sinif üzrə 17157 nəfər şagird təhsil alır. Həmin məktəblərdə 60 icma əsaslı məktəbəqədər hazırlıq qruplarında 1060 nəfər uşaq təhsilə cəlb olunub. İcma əsaslı məktəbəhazırlıq qruplarında məşğələlərin müddəti 2 saat olmaqla həftədə 4 gün keçirilir.

Qeyd edək ki, “İcma əsaslı məktəbəqədər təhsilin inkişafı” layihəsi məktəbəqədər təhsil müəssisəsi olmayan ərazilərdə məktəblərin bazasında yaradılaraq, erkən yaşlardan uşağın intellektual bacarığının yaxşılaşmasına xidmət edən təməl bilik və bacarıqlarının oyunlar əsasında qurulmasını və inkşaf etdirilməsini, növbəti təhsil pilləsinə uşaqların daha yüksək səviyyədə hazırlığını təmin etmək üçün həyata keçirilir.