"Peşə təmayüllü siniflər"in tətbiqi Mil-Muğan Regional Təhsil İdarəsinin tabeliyyində fəaliyyət göstərən ümumi təhsil müəssisələrində uğurla həyata keçirilir.

Mil-Muğan RTİ-nin tabeliyində fəaliyyət göstərən 250 ümumi təhsil müəssisəsindən 17 məktəbdə "Peşə təmayüllü siniflər" layihəsi tətbiq olunur.

Həmin 17 ümumi təhsil müəssisəsində 392 sinif üzrə 7967 nəfər şagird təhsil alır. Layihə 392 sinifdən 19-da (X-XI siniflərdə) tətbiq olunur. Qeyd olunan siniflər üzrə layihədən 343 nəfər şagird faydalanır. "Peşə təmayüllü siniflər"də şagirdlər "Xidmət", "İT", "Kənd təsərrüfatı" və "Təmir tikinti" peşələri üzrə təhsil alırlar.

Layihənin tətbiq edilməsində məqsəd ümumi orta təhsil bazasında təhsilalanların müxtəlif peşə sahələri üzrə hazırlanması, onların peşə ixtisaslarına aid səriştələrinin inkişaf etdirilməsi və əmək bazarına uyğun peşə sahiblərinin hazırlanmasının təmin edilməsidir.