Təhsildə inkişaf və innovasiyalar üzrə VII qrant müsabiqənin qalibi olmuş "Respublika Fənn Müsabiqələri və Olimpiadalarına hazırlıq" layihəsinin icrası ilə bağlı növbəti seminar keçirilib.

Seminarda Mil- Muğan Regional Təhsil İdarəsinin Tədrisin Keyfiyyət sektorunun müdiri Mahir Zahidov layihənin əhəmiyyətindən danışıb, şagirdlərin Respublika fənn müsabiqələrində və Olimpiadalarda uğur qazanmaları Mil-Muğan RTİ-nin bu istiqamətdə apardığı işlərdə əsas prioritetlərdən olduğunu diqqətə çatdırıb.Belə layihələrin bu istiqamətdə nəticələrin daha səmərəli olmasına xidmət edəcəyini bildirib.

Təhsil İnstitutunun İstedadlı Şagirdlərlə iş şöbəsinin müdiri Tural Alışov çıxışında şagirdlərin fənn müsabiqələrinə və olimpiadalara və digər bilik yarışlarına hazırlamağın yolları barədə seminarda iştirak edən müvafiq fənn müəllimlərinə ətraflı məlumat verib.

Tədbirdə iştirak edən Şirvan şəhər Kimya-biologiya təmayüllü liseyin direktor müavini və fizika müəllimi Vasif Zeynalov, layihənin koordinatoru Mərdan Əlizadə, Saatlı rayon təhsil sektorunda metodkabinet rəhbəri Pünhan Əlizadə layihə ilə bağlı fikirlərini tədbir iştirakçıları ilə bölüşüblər.

Xatırladaq ki, Təhsildə inkişaf və innovasiyalar üzrə VII qrant müsabiqənin qalib olmuş "Respublika Fənn Müsabiqələri və Olimpiadalarına hazırlıq" layihəsi Saatlı şəhər 4 nömrəli tam orta məktəbin layihəsi olub.

Sonda fikir mübadiləsi aparılıb, müəllimləri maraqlandıran suallar cavablandırılıb.