14.11.2023

Məktəbdə sağlam sosial-emosional mühitin formalaşdırılması" mövzusunda ixtisasartırma təlimləri keçirilir.

İmişli şəhər 8 nömrəli tam orta məktəbdə Təhsil İnstitutunun Təhsil işçilərinin peşəkar inkişafı mərkəzi tərəfindən "Pedaqoji kadrların ixtisasartırma təlimini həyata keçirən kadrların təkmilləşdirilməsi proqramı" çərçivəsində “Məktəbdə sağlam sosial-emosional mühitin formalaşdırılması” mövzusunda ixtisasartırma təlimləri keçirilir.

 

Təlimlər ümumi təhsil müəssisələrində sağlam mənəvi-psixoloji mühitin formalaşması və sabit saxlanılması, təhsilalanların sosial bacarıqlarının artırılması, sosial ədaləti dəstəkləyən məktəb mədəniyyətinin məqsədi ilə təşkil olunub.

 

Təlimlər zamanı iştirakçılara insan hüquqları, ümumi təhsil müəssisələrində zorakılığın növləri və formaları, bullinq davranışının təsirləri, bullinq davranışının profilaktikası üçün əlverişli sosial-psixoloji mühitin yaradılması kimi mövzulardan məlumatlar verilir.


Açar sözlər: ,  ,  ,