Saatlı rayon Gənclər Mərkəzində Təhsildə inkişaf və innovasiyalar üzrə VII qrant müsabiqənin qalibi olmuş "Tariximizi danışan rəsmlər" layihəsinin təntənəli bağlanış tədbiri keçirilib.

Tədbirdə Mil-Muğan Regional Təhsil İdarəsinin Tədrisin Keyfiyyəti Sektorunun müdiri Mahir Zaidov, Saatlı rayon təhsil sektorunun müdiri Günay Sultanova, Saatlı rayon İcra Hakimiyyətinin baş məsləhətçisi Aqşin Məmmədov, layihə rəhbəri Kəmalə Qədirli, 1 nömrəli tam orta məktəbin direktoru Günay Astanova, müəllim və layihəyə cəlb olunmuş şagirdlər iştirak ediblər.

Öncə Azərbaycan Respublikasının Dövlət Himni səsləndirilib və Azərbaycanın suverenliyi, müstəqilliyi, ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edilib.

Sonra layihə rəhbəri Kəmalə Qədirli layihənin icrası və görülmüş işlərin yekun hesabatı ilə çıxış edib. O, Saatlı rayonunun ümümtəhsil məktəblərində təhsil alan və təsviri incəsənət sahəsinə marağı, bacarığı olan 15 şagirdin seçildiyini, şagirdlərə hər bir təlimi 4 akademik saat olmaqla 10 təlimi layihə təlimçisi Şəlal' Quliyeva tərəfindən aparıldığını bildirib. Layihənin məqsədinin şagirdlərin rəssamlıq bacarıqlarının inkişafı ilə paralel olaraq onların tarixi hadisələri daha dərindən araşdırıb rəsmlərdə təsvir etmələrinə kömək etmək, onların vətənpərvər ruhda yetişməsinə, tarixi hadisələri daha dərindən araşdırıb qavramalarına imkanın yaradılmasının olduğunu qeyd edib.

Mahir Zahidov layihə ilə bağlı öz təəssüratlarini tədbir iştirakçıları ilə bölüşüb. Layihədə istirak edən şagirdlərin vətənimizin tarixinə bağlılığını, vətənpərvər ruhda olduqlarını, həmçinin milli-mənəvi dəyərlərə hörmət hisslərinin yüksək səviyyədə olduğunu bildirərək, layihənin uğurla başa çatdığı üçün layihə rəhbərini və iştirakçılarını təbrik edərək, onlara təhsillərində yeni-yeni nailiyyətlər, uğurlar arzulayıb.

Günay Sultanova, layihənin eksperti Rüfanə Mirzəyeva layihə ilə bağlı fikirlərini bildirib və bu kimi layihələrin davamlı olmasını arzulayıblar.

Sonda layihədə istirak edən şagirdlərə sertifikatlar təqdim olunub.