23 dekabr 2023-cü il tarixində Sabirabad şəhər M. Müşfiq adına 4 nömrəli tam orta məktəbdə Sabirabad və Saatlı rayonları üzrə əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə başa vura bilməyən şəxslər üçün eksternat qaydasında aralıq imtahanı keçirilib.

İmtahanda iştirak etmək üçün hər iki rayon üzrə ümumilikdə 202 nəfər qeydiyyatdan keçib.

Qeyd edək ki, eksternat təhsilalma formasının tətbiqi müxtəlif səbəblərdən ümumi orta və tam orta təhsil səviyyələrini başa vura bilməyən şəxslərə həmin səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır.

Eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi. (DİM) tərəfindən keçirilən buraxılış imtahanlarında iştirak etmək hüququna sahib olacaqlar.