Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələri üzrə fənn olimpiadalarında iştirak etmək üçün 1964 nəfər şagird qeydiyyatdan keçib.

Mil-Muğan RTİ-nin müdiri Rəşad Musayev Sabirabad rayonunda olimpiadaının keçirilidiyi mərkəzdə olub və imtahanın gedişatını izləyib.

Fənn olimpiadalarında Mil-Muğan RTİ-nin əhatə etdiyiyi Sabirabad rayonu üzrə qeydiyyatdan keçmiş 623 şagirdən 72 nəfəri, İmişli rayonu üzrə 505 şagirdən 30 nəfəri, Beyləqan rayonu üzrə 451 şagirdən 24 nəfəri, Saatlı rayonu üzrə isə 385 şagirdən 59 nəfəri iştirak etməyib. İştirak etməyən şagirdlərdən 56 nəfərinin bədən hərarəti normadan yüksək olduğu üçün binada olan təcili tibbi yardım üzrə həkimin rəyinə uyğun olaraq imtahana buraxılmayıblar.

Olimpiada 9,10,11-ci siniflər və xüsusi istedadı ilə seçilən 8-ci sinif şagirləri arasında 8 fənn (riyaziyyat, informatika, fizika, kimya, biologiya, Azərbaycan dili və ədəbiyyatı, tarix və coğrafiya) üzrə keçirilib.

Olimpiadanın rayon (şəhər) mərhələsində şagirdlər fənlər üzrə qapalı test formatında 25 sualı 180 dəqiqə ərzində cavablandırıblar.

Qeyd edək ki, Rayon (şəhər) mərhələsinin nəticələri www.portal.edu.az, www.olimpiada.edu.az saytlarından və ya iştirakçıların təhsil aldıqları ümumi təhsil müəssisələrindən öyrənə biləcəklər.

Respublika Fənn Olimpiadaları “Kapital Bank”ın baş sponsorluğu ilə həyata keçirilir.