Sabirabad şəhər 4 nömrəli tam orta məktəbdə fəaliyyət göstərən peşə təmayüllü sinif şagirdlərinin əl işlərindən ibarət sərgi-satış yarmarkası təşkil olunub.

2023-2024-cü tədris ilində “Peşə təmayüllü siniflərin təşkili” layihəsi çərçivəsində məktəb üzrə “Aşpaz köməkçisi”, “İT” ixtisasları üzrə peşə təmayüllü siniflər yaradılıb.

Sərgi-satış yarmarkasında Mil-Muğan Regional Təhsil İdarəsinin Tədrisin Keyfiyyəti Sektorunun müdiri Mahir Zahidov, Sabirabd rayon təhsil sektorunun müdiri Pəhlivan Qarayev, müəllimlər və valideynlər iştirak ediblər.

Yarmarkanın keçirilməsində məqsəd “Aşpaz köməkçisi” sinfində təhsil alan şagirdlərin əl işlərini nümayiş etdirmək və satışını təşkil etmək olub.

Tədbirdə Mahir Zaidov çıxış edərək sərgi-satış yarmarkasının keçirilməsinin əhəmiyyətini vurğulayıb, sərgidən toplanan vəsaitin rayonun şəhid ailələrinə veriləcəyini bildirib. Eyni zamanda, sərgi-satış yarmarkasının keçirilməsi şagirdlərin mənimsədikləri ilkin peşə bacarıqlarını nümayiş etdirmələrinə, onlar arasında sağlam rəqabət hissini, ətraf mühitə fəal inteqrasiyanı təmin etməkdə, ilkin sahibkarlıq bacarıqlarının aşılanmasında böyük əhəmiyyətinin olduğunu qeyd edib.