Elm və Təhsil Nazirliyinin regional təhsil idarələri üzrə məsləhətçiləri Almaz Əsgərova və Sevda Quliyevanın təşəbbüsü ilə Sabirabad rayonunun ümumtəhsil məktəblərinin bir qrup IX siniflərinin şagirdlərinə nümunəvi dərslər keçirilib.

Buraxılış imtahanlarına hazırlıq məqsədi daşıyan nümunəvi dərsləri Sabirabad şəhər 2 nömrəli məktəb-liseyin Azərbaycan dili və ədəbiyyat müəllimi Elvira Allahverdiyeva, riyaziyyat müəllimi Mahir Abdullayev keçiblər.

Nümunəvi dərslər zamanı müəllimlərin müasir təlim metodları və təlim üsullarından dərsin məqsədinə uyğun istifadə etmələri, dərs prosesinin təşkilində yüksək nəticələrin əldə olunması müşahidə edilib.