İmişli rayonu Aranlı kənd Y. Sadatxanov adına 1 saylı tam orta məktəbin yeni binasının tikintisi davam edir.

Mil-Muğan Regional Təhsil İdarəsinin müdiri Rəşad Musayev məktəbin yeni binasının tikintisi ilə yaxından tanış olub.

2023-cü ilin avqustundan tikintisinə başlanılan yeni məktəb binası Heydər Əliyev Fondunun dəstəyi ilə birtipli layihə əsasında 624 şagird yerlik olmaqla inşa edilir. Məktəbin yeni binasının yaxın vaxtlarda istifadəyə verilməsi nəzərdə tutulub.

Qeyd edək ki, üçmərtəbəli binada 26 sinif otağı, fizika, kimya, biologiya laboratoriyaları, informatika otağı, hərbi təlim otağı, qızlar və oğlanlar üçün əmək təlimi otaqları, akt zalı, idman zalı, açıq idman meydançası və tibb otağı da fəaliyyət göstərəcək. Məktəbin həyətyanı ərazisində abadlıq və yaşıllaşdırma işləri aparılmasıda nəzərdə tutulub.