Əziz müəllimlər və şagirdlər!

Sizi “İkinci həyat” adlı kitab sərgisinə dəvət edirik.

Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi haqqında Azərbaycan Respublikası Prezidentinin 25 dekabr 2023-cü il tarixli Sərəncamı ilə əlaqədar olaraq Sabirabad rayon İcra Hakimiyyəti, Mil-Muğan Regional Mədəniyyət İdarəsi, Mil-Muğan Regional Təhsil İdarəsi, Mil-Muğan Regional Gənclər və  İdman İdarəsi, “Hophopnamə” Kitab Mərkəzi və “Mücrü” nəşriyyatının təşkilatçılığı ilə Sabirabad şəhərində “İkinci həyat” adlı kitab sərgisi keçiriləcək.

Sərginin keçirilməsində məqsəd regionlarda mütaliəyə olan marağın artırılması və mütaliə vərdişlərinin formalaşdırılmasıdır.

Sərgi Sabirabad şəhərində yerləşən “Hophopnamə” Kitab Mərkəzində 12 yanvar 2024-cü il tarixdə saat 11:00-dan 18:00-dək keçiriləcək.