12.01.2024

Məktəb psixoloqları ilə görüş keçirilib

Beyləqan şəhər 8 nömrəli tam orta məktəbdə rayonun ümumi təhsil müəssisələrində çalışan məktəb psixoloqları ilə görüş təşkil edilib.

 

Görüşdə iştirak edən Mil-Muğan Regional Təhsil İdarəsinin Tədrisin Keyfiyyəti Sektorunun müdiri Mahir Zahidov məktəblərdə psixoloq işinin təşkili barədə ətraflı məlumat verərək psixoloqların hazırkı fəaliyyətlərindən danışıb. Onların işlərində yaranan problemlər, dəstəyə ehtiyac duyulan sahələr və söylənilən təkliflər müzakirə edilib.

 

Beyləqan rayon təhsil sektorunun müdiri Elvin Abbasov məktəblərdə psixo-pedaqoji işin aparılması, şagirdlərlə və valideyinlərlə maarifləndirici tədbirlərin keçirilməsi, sağlam həyat tərzinin təbliği, zərərli vərdişlərə qarşı mübarizə, sosial şəbəkələr və onlardan istifadə istiqamətində görüləcək işlər barədə danışıb.

 

Sonra məktəblərdə şagird-məktəb-valideyn münasibətlərinin düzgün qurulması üzrə müvafiq təşəbbüslərin göstərilməsi, məktəbdaxili bullinq (qısnama) və digər istiqamətlərdə sağlam mühitin qurulması üçün müvafiq addımların atılması və məktəb psixoloqlarının peşəkar inkişafına yönələn bir sıra fəaliyyətlər planlaşdırılıb.


Açar sözlər: ,  ,