Görüşdə iştirak edən Mil-Muğan Regional Təhsil İdarəsinin Tədrisin Keyfiyyəti Sektorunun müdiri Mahir Zahidov çıxışında məktəblərdə psixo-pedaqoji işin aparılması, şagirdlərdə iradi-psixoloji keyfiyyətlərin formalaşdırılması və gücləndirilməsi istiqamətində görülmüş işlər barədə tədbir iştirakçılarına ətraflı məlumat verib. Psixoloqların işlərində yaranan problemlər, dəstəyə ehtiyac duyulan sahələr və söylənilən təkliflər müzakirə edilib.

Sonra Mil-Muğan RTİ-nin məktəblərdə şagird-məktəb-valideyn münasibətlərinin düzgün qurulması üzrə müvafiq təşəbbüslərin göstərilməsi, məktəbdaxili bullinq (qısnama), mobbinq və digər istiqamətlərdə sağlam mühitin qurulması üçün müvafiq addımların atılması, məktəb psixoloqlarının peşəkar inkişafına yönələn bir sıra fəaliyyətlərin planlaşdırıldığından danışılıb.

Sonra məktəblərdə psixo-pedaqoji işin aparılması, mütəmadi olaraq şagirdlərlə və valideyinlərlə maarifləndirici tədbirlərin keçirilməsi, onlarda sağlam həyat tərzinin təbliği, zərərli vərdişlərə qarşı mübarizə, sosial şəbəkələr və onlardan istifadə istiqamətində görüləcək işlər barədə danışıb.

Görüş ümumtəhsil məktəblərində sağlam sosial-emosional mühitin səmərəli təşkili və şagirdlərin şəxsiyyət kimi formalaşmasında psixoloq fəaliyyətini daha da artırmaq məqsədilə keçirilib.