TALIS beynəlxalq qiymətləndirmə tədqiqatında iştirak edəcək məktəb və mərkəz rəhbərləri ilə onlayn görüş keçirilib.

Görüşdə Mil-Muğan Regional Təhsil İdarəsinin Tədrisin Keyfiyyəti Sektorunun müdiri Mahir Zahidov və region üzrə TALIS beynəlxalq qiymətləndirmədə iştirak edəcək məktəblərin rəhbərləri iştirak ediblər.

Görüşdə Mahir Zahidov region üzrə TALIS 2024 (Teaching and Learning International Survey) - Təlim və Tədris üzrə Beynəlxalq Araşdırma tədqiqatında 9 ümumtəhsil məktəbinin 6 mərkəzdə 12-22 fevral 2024-cü il tarixlərində iştirak edəcəyini bildirib. TALIS-in  müəllimlərin öyrətmə və öyrənmə üzrə beynəlxalq qiymətləndirmə sorğusundan ibarət olduğunu qeyd edərək, sorğuda iştirak edən müəllimlərin iş mühiti ilə bağlı sorğuya cəlb olunacağını məktəb rəhbərlərinin nəzərinə çatdırıb.

Daha sonra qiymətləndirmənin məqsədi və mahiyyəti barədə müəllimlərin maarifləndirilməsi barədə tapşırıq verib.

Sonda görüşdə iştirak edən məktəb rəhbərlərinin sualları cavablandırılıb.