Sabirabad şəhər 1 nömrəli tam orta məktəbdə keçən görüşdə Mil-Muğan Regional Təhsil İdarəsinin Tədrisin Keyfiyyəti Sektorunun müdiri Mahir Zahidov və rayonun ümumi təhsil müəssisələrinin psixoloqları iştirak ediblər.

Görüşdə Mahir Zahidov ümumi təhsil müəssisələrində psixoloji xidmət və sağlam psixoloji mühitin rolu, tərbiyə işinin, məktəb-ailə münasibətlərinin düzgün tənzimlənməsi barədə ətraflı danışıb. Məktəblərdə şagirdlərə lazımi psixoloji dəstək göstərmələrinin vacibliyini bildirib. Sonra risk qrupuna daxil olan uşaqlarla bağlı məsələlərdən danışaraq, bu istiqamətdə qabaqlayıcı işlərin görülməsi barədə tövsiyələr verib.

Mütəmadi olaraq şagirdlərlə və valideyinlərlə maarifləndirici tədbirlərin keçirilməsi, sağlam həyat tərzinin təbliği, zərərli vərdişlərə qarşı mübarizələr, sosial şəbəkələr və onlardan istifadə istiqamətində görüləcək işlər barədə danışıb.  Psixoloqların təhsil prosesində nə qədər əhəmiyyətli rol oynadığını və onların üzərinə çətin, məsuliyyətli iş düşdüyünü qeyd edərək, psixoloqların qarşısında duran hәdәflәrә çatmaq vә yüksәk nәticәlәr әldә etmәk üçün motivasiyanın vacibliyini, valideynlərlə işin təşkilinin əhəmiyyətini qeyd edib.

Görüşdə məktəb psixoloqlarını düşündürən suallar cavablandırılıb, təkliflər nəzərə alınıb və qarşılıqlı müzakirələr aparılıb.