İmişli rayonu ümumi təhsil müəssisələrinin ibtidai sinif müəllimləri və cari dərs ilində IX siniflərində dərs deyən Azərbaycan dili və ədəbiyyatı, riyaziyyat müəllimləri təlimlərdə iştirak ediblər.

Təlimlər şəhər 7 nömrəli, Cəfərli kənd 1 nömrəli və Qızılkənd kənd tam orta məktəblərində keçirilib. 2 gün davam edən təlimlərdə ümumilikdə 444 nəfər müəllim iştirak edib.

Elm və Təhsil Nazirliyinin regional təhsil idarələri üzrə məsləhətçiləri Almaz Əsgərova və Sevda Quliyevanın təşəbbüsü təşəbbüsü və rəhbərliyi ilə keçirilən təlimlərdə rayonun qabaqcıl müəllimləri təlimin keçirilməsində yaxından iştirak ediblər.

Məktəblərdə tədris prosesində mürəkkəb mövzuların şagirdlərə daha yaxşı mənimsədilməsi üçün tətbiq olunan tədris metodikasina, iş üsullarına həsr olunmuş təlimlərdə müəllimlər dərslərdə istifadə etdikləri metodika və iş üsullarını  nümayiş etdiriblər.

Təlimlərdə müəllimlər qarşılıqlı fikirlər mübadiləsi aparıblar və yaranan suallar cavablandırılıb.