Ümumi təhsil müəssisələrində təlim-tərbiyə işləri üzrə direktor müavini, məktəbdənkənar və sinifdənxaric tərbiyə işi üzrə təşkilatçı vəzifəsinə növbəti işə qəbul müsabiqəsinə start verilir.

Müsabiqə 4 mərhələdən (qeydiyyat, sənədlərin yoxlanılması, test və müsahibə) ibarət olacaq.

Qeyd edilən vəzifə üzrə işə qəbul olmaq istəyən şəxslər 18 mart 2024-cü il saat 09:00-dan aşağıda verilmiş link vaitəsilə qeydiyyatdan keçə bilərlər.

Qeydiyyat linki: https://forms.gle/onJNmLdqNAYVk9qq9

Qeydiyyat prosesi 01 aprel 2024-cü il saat 23:59-dək davam edəcək.

Namizədlər üçün tələblər aşağıdakılardır;

pedaqoji ixtisas üzrə ali təhsil;

3 ildən az olmayaraq pedaqoji staj;

hazırda ümumi təhsil müəssisəsində müəllim kimi pedaqoji fəaliyyət göstərmək.

Yalnız tələblərə cavab verən namizədlər müsabiqədə iştirak etmək hüququ qazanacaqlar.

Üstünlük veriləcək namizədlər:

Müəllimlərin İşə Qəbulu müsabiqəsində, sertifikatlaşdırma və ya diaqnostik qiymətləndirilmə imtahanında yüksək nəticə əldə etmiş şəxslər;

Tələblərə cavab verən namizədlər (bir neçə gün öncə məlumatlandırılmaqla) test mərhələsinə dəvət olunacaqlar.

Test imtahanında namizədlərə pedaqogika və metodika, əmək və təhsil qanunvericiliyi, riyazi məntiq üzrə hər birinə aid 10 sual olmaqla, ümumilikdə 40 test tapşırığı təqdim edilir.

Test mərhələsində iştirak edənlərin müsahibə mərhələsinə keçmək üçün keçid balı, namizədlərin test mərhələsində topladığı bala görə dəyişə bilər.

Qeyd: Müsabiqənin hər hansı bir mərhələsində namizəd tərəfindən təqdim olunmuş sənədlərdə uyğunsuzluq aşkar edilərsə, namizədin müsabiqə nəticələri ləğv ediləcək.