Sabirabad rayon İcra Hakimiyyətinin təşəbbüsü, Mil-Muğan Regional Təhsil İdarəsinin, Mil-Muğan Regional Gənclər və İdman İdarəsinin və Mil-Muğan Regional Mədəniyyət İdarəsinin birgə fəaliyyət planına əsasən Novruz bayramı münasibətilə “N” saylı hərbi hissəsində bayram tədbir keçirilib.

Bayram tədbiri Dövlət Himninin səsləndirilməsi və ölkəmizin ərazi bütövlüyü uğrunda canlarından keçmiş şəhidlərimizin xatirəsinin bir dəqiqəlik sükutla yad edilməsi ilə başlayıb.

Tədbirdə Sabirabad rayon İcra Hakimiyyəti Başçısnın birinci müavini Həsən Həsənov, Mil-Muğan Regional Təhsil İdarəsinin müdiri Rəşad Musayev, Mil-Muğan Regional Gənclər və İdman İdarəsinin rəisi Nadir Quliyev, Mil-Muğan Regional Mədəniyyət idarəsinin rəis müavini Telman Əzimov çıxış edərək hərbiçiləri salamlayıblar və onları bayram münasibəti ilə təbrik edib, şərəfli xidmətlərində uğurlar arzulayıblar.

Tədbirdə çıxış edən hərbi hissə komandanlığı onlara yaradılan hərtərəfli şəraitə, göstərilən diqqət və qayğıya görə ölkə başçısı, Ali Baş Komandan cənab İlham Əliyevə dərin minnətdarlığını bildirib.

Mil-Muğan Regional Təhsil idarəsinin bayram xonçaları hərbi hissənin şəxsi heyətinə təqdim olunub.

Geniş konsert proqramı ilə keçən tədbirdə Əhmədabad kənd Folklor evininin Axısxa Halay-Türk Folklor rəqs kollektivi tərəfindən milli rəqs nümunələri nümayiş etdirilib, məktəblilərin ifasında bayram əhval-ruhiyyəsində şeirlər səsləndirilib.