Mil-Muğan Regional Təhsil İdarəsinin təşkilatçılığı ilə Beyləqan rayonunun Təzəkənd kənd və İmişli rayonunun Kürdmahmudlu kənd tam orta məktəblərinin IV və VI siniflərində monitorinq keçirilib.

Monitorinqin keçirilməsində məqsəd şagirdlərdə müvafiq standartlar üzrə bilik və bacarıqların hansı səviyyədə formalaşdığını müəyyən etmək, şagirdlərin təlim nəticələrini təhlil etmək, bu istiqamətdə müvafiq tədbirlər görmək, məktəb özünüqiymətləndirməsini formalaşdırmaq və onun tətbiqi üçün zəmin yaratmaq olub.

Monitorinq zamaını IV sinif şagirdlərinə tədris dili və riyaziyyat fənlərinin hər biri üzrə 30 sual, ümumilikdə 60 sual təqdim olunub. VI sinif şagirdlərinə isə Azərbaycan dili, riyaziyyat və təbiət fənlərinin hər biri üzrə 25 sual, ümumilikdə 75 sual təqdim olunub.