18.04.2024

Məktəb direktorları ilə görüş keçirilib

Sabirabad şəhər 1 nömrəli tam orta məktəbdə keçirilən görüşdə Mil-Muğan Regional Təhsil İdarəsinin müdir müavini Rabil Şahbazov, təhsil sahəsində uzun müddət böyük təcrübəsi olan Almaz Əsgərova və Sevda Quliyeva, Sabirabad rayon təhsil sektorlarının əməkdaşları və məktəb direktorları iştirak edib.

 

Görüşdə 2023-2024-cü tədris ili üzrə XI sinif buraxılış imatahanalrının nəticələri, cari tədris ilində IV və VI siniflərdə keçiriləcək monitorinqlər və qarşıda duran vəzifələr müzakirə olunub.

 

Tədbirdə çıxış edənlər ötən tədris ilində qarşıya qoyulmuş vəzifələrin icrası vəziyyətindən danışaraq, 2023-2024-cü tədris ilində məktəblərdə idarəetmənin, müəllim-şagird münasibətlərinin təkmilləşdirilməsinin, həmçinin tədrisin keyfiyyətinin əvvəlki tədris ili ilə müqayisədə daha da yaxşılaşdırılmasının əsas hədəflərdən olduğunu bildiriblər. Keçirilən müsabiqələrdə, Respublika fənn olimpiadasında və XI sinif buraxılış imtahanlarının nəticələrində  böyük inkşaf dinamikasının olduğu məktəb direktorlarının diqqətinə çatdırılıb və bu istiqamətdə daha böyük uğurlara nail olmaq üçün müvafiq tapşırıqlar verilib.

 

Görüşdə hər bir məktəb rəhbərinin təhsilin keyfiyyətinin yaxşılaşdırılmasının, təlim-tərbiyə prosesinin düzgün təçkil edilməsi əsas hədəflərindən olduğunu xatırladan Rabil Şahbazov, direktorların qarşısında duran digər vəzifələrə diqqət çəkib. O, ümumi təhsil müəssisələrində 45 dəqiqə ərzində öyrətmə və öyrənmə mühitinin təmin edilməsindən danışaraq, digər məsələlər barədə tövsiyələrini verib.


Açar sözlər: ,  ,  ,