Sabirabad rayonunda məktəblilər arasında atletika üzrə region birinciliyi keçirilib

Ümummilli Lider Heydər Əliyevin anadan olmasının 101-ci ildönümünə həsr olunmuş Mil-Muğan Regional Gənclər və İdman İdarəsi, Mil-Muğan Regional Təhsil İdarəsinin birgə təşkilatçılığı ilə Sabirabad şəhər Mərkəzi stadionda regiona daxil olan məktəbli oğlan və qızlar arasında atletika üzrə yarış keçirilib.

 Yarışın keçirilməsində məqsəd məktəblilər arasında vətənpərvərlik ruhunun yüksəldilməsi, atletika idman növlərinin məktəbləri arasında inkişaf etdirilməsi və kütləviliyinə nail olunması, olimpiya dəyərlərinin və sağlam həyat tərzinin təbliği, perspektivli şagirdlərin üzə çıxarılması olub.

Yarışın açılış mərasimində çıxış edən Mil-Muğan Regional Gənclər və İdman İdarəsinin rəisi Nadir Quliyev, Mil-Muğan RTİ-nin müdiri Rəşad Musayev yarış iştirakçılarını salamlayaraq, idmançı şagirdlərə uğurlar arzulayıblar.

İştirakçılara birinciliyin məqsəd və qaydaları haqqında məlumat verildikdən sonra yarışa start verilib.

 100, 200, 400, 800 metr məsafəyə qaçışda müvafiq olaraq I, II və III yerləri tutan məktəblilər Mil-Muğan Regional Gənclər və İdman İdarəsinin diplomları ilə təltif ediliblər.