İmişli şəhər 7 nömrəli tam orta məktəbdə “Narkomaniyaya yox deyək”, “Erkən nigahın fəsadları” və “Dini radikalizim” mövzularında maarifləndirici tədbir keçirilib.

Tədbirdə İmişli Rayon İcra Hakimiyyətinin, İmişli rayon Polis Şöbəsinin, İmişli rayon təhsil sektorunun əməkdaşları, səhiyyə işçiləri və məktəblilər iştirak ediblər.

İlk olaraq məkətəbin həyətində şəhidlərin xatirəsinə inşa edilən abidə kompleksinin önünə gül dəstələri düzülüb.

Azərbaycanın ərazi bütövlüyü uğrunda canından keçmiş şəhidlərimizin əziz xatirələri bir dəqiqəlik sükutla yad edilib.

Tədbirdə çıxış edənlər bəşəriyyətin ən böyük bəlalarından olan narkomaniya, psixotrop maddələrin və digər zərərli vərdişlərin fəsadlarından, gənc nəslin sağlamlığı üçün yaratdığı təhlükədən, genofondumuza vura biləcəyi zərərdən və onunla mübarizə yolundan danışıblar.

Eyni zamanda “Erkən nigahın fəsadları”, qadın və uşaqların sağlamlığına mənfi təsiri, insan hüquqları, hüquqi məsuliyyətlər, statistik məlumatlar barədə geniş məlumat verilib.

Digər aktual məsələ “Dini radikalizim” ətrafında da izahi söhbətlər aparılıb. Dini radikal və ekstremist meyillərin tarixi, təbliğatı, hədəf kütlələri və fəsadları barədə tədbir iştirakçıları maarifləndirilib, bu kimi neqativliklərdən qorunmaq naminə dövlətin həyata keçirdiyi tədbirlər haqqında məlumatlar verilib.