Beyləqan rayon Uşaq-Gənclər İnkişaf Mərkəzinin təşkilatçılığı ilə “Yaşıl dünyam" adlı rəsm sərgisi keçirilib.

Tədbirdə çıxış edənlər dünyanı narahat edən ekoloji problemlər, iqlim dəyişiklikləri və onların canlı aləmə mənfi təsirlərindən, ekoloji mədəniyyətdən söhbət açaraq bu sahəyə diqqətin artırılması, beynəlxalq həmrəyliyin gücləndirilməsi məqsədilə 2024-cü ilin "Yaşıl dünya naminə həmrəylik ili" elan edilməsinin əhəmiyyətini iştirakçıların diqqətinə çatdırıblar.

Sonra UGİM-nin rəsm dərnəyinin şagirdlərin yaşıl dünyamıza həsr etdikləri rəsm əsərlərinə baxış keçirilib. Şagirdlər  fırçalarının dili ilə ekalogiya və sağlam dünya naminə həmrəy olmağın vacibliyini ictimaiyyətə çatdırmağa çalışdılar.

Sonda bir qrup dərnək üzvüləri fəxri fərmanla təltif olunublar.