Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələrinin şagirdləri arasında Sabirabad şəhər 5 nömrəli tam orta məktəbdə “Zəfər” respublika yaradıcılıq festival-müsabiqəsinin zona mərhələsi keçirilib.

Festival-müsabiqədə münsiflər heyəti tərəfindən ifa, rəqs, təsviri incəsənət, dekorativ tətbiqi-sənət və dram nominasiyaları üzrə nümunələrə baxış keçirilib.

Nominasiyalar və yaş qrupları üzrə I yerlərin qalibləri festival-müsabiqəsinin final mərhələsində iştirak etmək hüququ qazanıblar.

Final mərhələsi, qaliblərin mükafatlandırılması və yekun tədbir 2024-cü ilin oktyabr ayında Bakı şəhərində keçiriləcək.

Qeyd edək ki, yaş qrupu və nominasiyalar üzrə I, II və III yerlərin qalibləri Elm və Təhsil Nazirliyinin fəxri fərmanı və hədiyyələri ilə mükafatlandırılacaqlar.